Чингэлтэй дүүргийн Эрүүл мэндийн төвтэй хамтран 08 дугаар сарын 20-ний өдөр Байгууллагын ажилчдыг эрүүл мэндийн урьдчилан сэргийлэх үзлэг шинжилгээнд хамруулж ажиллаа. 

Бүх нийтийн биеийн тамир спортыг дэмжих авто машингүй өдөр буюу 05 дугаар сарын 25-ны өдөр "УЛААНБААТАР МАРАФОН" 2024 олон улсын гүйлтийн  эрүүл мэндийн гүйлт болох  5 км зайд  идэвхтэй оролцлоо. 

Монгол Улсын Ерөнхийлөгчийн 2021 оны 10 дугаар сарын 04-ний өдрийн 58 дугаар зарлигаар "Тэрбум мод" үндэсний хөдөлгөөнийг дэмжих зорилгоор  Багачууд хүнс орон нутгийн өмчит аж ахуйн тооцоот үйлдвэрийн газрын 14 ажилтан "Арчлахгүй бол ургахгүй" уриатайгаар хаврын мод тарих арга хэмжээ зохион байгуулан ажиллалаа. Уг арга хэмжээний хүрээнд  05 дугаар сарын 10-ны өдөр  Сонгинохархан дүүрэг, 21-р хороо Ар гүнт "Инчон мөрөөдлийн төгөл"-д  40 ширхэг шинэс модны үрсэлгээг суулгаж, нөхөн сэргээлтийг хийсэн. Эх орон байгаль дэлхийгээ хайрлан, ногоон байгууламж нэмэгдүүлэх үйлсэд хувь нэмрээ оруулж иргэн, аж ахуйн нэгж бүрийг ногоон хөгжлийн төлөө гар бие оролцохыг уриалж байна. 

Нийгмийн хариуцлагын хүрээнд "Багачууд хүнс орон нутгийн өмчит аж ахуйн тооцоот үйлдвэрийн газар"-ын хамт олон осолд өртсөн 13-р хорооны оршин суугч гэр бүлд тусламж үзүүлэн ажиллаа.

Нийслэлийн Засаг даргын 2024 оны "Хаврын их цэвэрлэгээ" нэгдсэн арга хэмжээ зохион байгуулах тухай А/348 дугаар захирамжийн дагуу Багачууд хүнс ОНӨААТҮГ-ын 18 ажилтан идэвхтэй оролцож Үндэсний цэцэрлэгт хүрээлэнгээс нарантуулын уулзвар хүртэл зам дагуу явган хүний зам болон нийтийн эзэмшлийн зам талбайн хог хаягдлыг цэвэрлэн "Хотоо угаая" аяныг дэмжин ажиллаа. 

Нийслэлийн Засаг даргын 2024 оны "Хаврын их цэвэрлэгээ" нэгдсэн арга хэмжээ зохион байгуулах тухай А/348 дугаар захирамжийн  дагуу нийтийн эзэмшлийн гудамж, зам талбай гуу жалганд үүссэн хог хаягдлыг цэвэрлэх , угаах өнгийг сэргээх зорилготой их цэвэрлэгээний ажилд "Багачууд хүнс орон нутгийн өмчит аж ахуйн тооцоот үйлдвэрийн газрын 18 ажилтан 04 дүгээр сарын 09-12-ны хооронд  идэвхтэй хамрагдаж байгууллагын 50м хүртэлх нийтийн эзэмшлийн зам талбайг цэвэрлэн байгууллагын хайс хашлага, гадна фасат хаяг, үүд довжоог угааж өнгө үзэмжийг сэргээн ажиллаа.