Нүүр | БАГАЧУУД ХҮНС ОНӨААТҮГ

Захирлын мэндчилгээ

МЭНДЧИЛГЭЭ

ЭРХЭМ ТАНЫГ БАГАЧУУД ХҮНС ОНӨААТҮГ-ЫН ЦАХИМ ХУУДСАНД ЗОЧИЛЖ БАЙГААД ТАЛАРХАЛ ИЛЭРХИЙЛЬЕ.

Танд энэ өдрийн мэнд дэвшүүлье.

Багачууд Хүнс Орон Нутгийн Өмчит Аж Ахуйн Тооцоот Үйлдвэрийн Газар нь Нийслэлийн Иргэдийн Төлөөлөгчдийн хурлын Тэргүүлэгчдийн 2006 оны 06 дугаар сарын 21-ний өдрийн 154 дүгээр тогтоол, Нийслэлийн Засаг даргын 2021 оны 08 дугаар сарын 27-ны өдрийн А/657 дугаар захирамжаар Сүхбаатар, Чингэлтэй дүүргийн төрийн өмчит цэцэрлэг, сургуулийн хүүхдүүдийг эрүүл аюулгүй, чанар, стандартын шаардлага хангасан илчлэг, эрүүл хүнсээр хангах зорилготой байгуулагдсан Нийслэлийн харьяа байгууллага юм

2006 оноос өнөөдрийг хүртэл Сүхбаатар дүүргийн 35 цэцэрлэг, 5 сургууль, Чингэлтэй дүүргийн 38 цэцэрлэг, 7 сургууль нийт 73 цэцэрлэг, 12 сургуулийн хүүхдүүдэд захиалгын дагуу эрүүл, аюулгүй хүнсний бүтээгдэхүүнээр тасралтгүй хангаж, 20 гаруй аж ахуйн нэгж байгууллагатай бэлтгэн нийлүүлэх гэрээ хийж, 20 төрлийн 110 гаруй нэрийн чанарын шаардлага хангасан шинжилгээнд хамрагдсан бараа бүтээгдэхүүнүүдийг нийлүүлж хамтран ажиллаж байна.

Манай байгууллага нь Монгол Улсын Хүнсний тухай хууль, Эрүүл ахуйн тухай хууль, Хүнсний аюулгүй байдлын тухай хууль, Төрийн болон орон нутгийн өмчийн тухай хууль, Хөдөлмөрийн тухай хууль, Нягтлан бодох бүртгэлийн тухай хууль, Шилэн дансны тухай хууль, Нийтийн албанд болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай зэрэг хууль, Эрүүл мэндийн яамнаас гаргаж буй хүүхдийн норм, норматив тогтоосон тушаал, шийдвэр зэрэг хууль тогтоомжуудыг мөрдөн ажиллаж, жил бүр Нийслэлийн Засаг даргатай "Хариуцлагын гэрээ" байгуулан "Гүйцэтгэлийн төлөвлөгөө"-г батлуулж, нийт худалдан авалтын 50-аас дээш хувийг үндэсний үйлдвэрлэлийн бүтээгдэхүүнээс бүрдүүлэн хүүхдийн хүнсэнд хэрэглэх бодлого баримтлан ажиллаж байна.

Бид байгууллагын үйл ажиллагаа, санхүүгийн ил тод байдлыг хангах тухай төрийн бодлого шийдвэрийг мөрдлөг болгон ажиллаж, хийж хэрэгжүүлсэн ажил болоод худалдан авах ажиллагаатай холбоотой мэдээлэл, судалгааг цахим хуудсандаа байршуулан эрхэм зочин танд нээлттэй хүргэж байх болно.

Сургуулийн өмнөх байгууллага болон Ерөнхий боловсролын сургуулийн хүүхдийн өдөрт авах хэрэгцээт хоол хүнсийг аюулгүй найдвартай түргэн шуурхай хүргэж, үйлчилгээний чанарыг дээшлүүлэх талаар та бүхэн санал хүсэлтээ манай цахим шуудангаар илгээж бидний ажлыг дэмжин хамтран ажиллана гэдэгт итгэлтэй байна.

ХҮНДЭТГЭСЭН

ЗАХИРАЛ Б.МӨНХНАСАН

Мэдээ мэдээлэл

Дотоод Мэдээ

Хаврын их цэвэрлэгээний-90 минут

Нийслэлийн Захирагчийн ажлын албанаас зохион байгуулсан “Их цэвэрлэгээний-90 минут” арга хэмжээний хүрээнд 2018 оны 04 дүгээр сарын 21-ний өдөр байгууллагын нийт ажилчид Хан-Уул дүүргийн дунд голын ойр орчмын хог хаягдлыг цэвэрлэж ачуулав.

bazar

IV 24, 2018

0
Дотоод Мэдээ

Хаврын их цэвэрлэгээний-90 минут

Чингэлтэй дүүргийн Засаг даргын Тамгын газар, Нийслэлийн мэргэжлийн хяналтын хэлтсээс зохион байгуулсан “Хаврын их цэвэрлэгээний-90 минут” арга хэмжээний хүрээнд 2018 оны 04 дүгээр сарын 20-ны өдөр байгууллагынхаа ойр орчмын талбайн их цэвэрлэгээг хийлээ.

Их цэвэрлэгээнд байгууллагын нийт 16 ажилтан хамрагдсан. Байгууллагын гадна, дотно 50м2 талбайн их цэвэрлэгээг хийж, байгууллагын хана, цонх, хаяг, сандал, хогийн сав, үүд довжоогоо угааж, чийгтэй цэвэрлэгээг хийсэн. Гарсан хог хаягдлыг ачууллаа.

bazar

IV 23, 2018

0
Дотоод Мэдээ

Чуулганд оролцов.

Улаанбаатар хотын захирагчийн алба Монголын худалдаа аж үйлдвэрийн танхимтай хамтран 2018 оны 03 дугаар сарын 23-ний өдөр Туушин ХХК -ний Соёмбо танхимд "Худалдааны хуулийн хүлээлт ба салбарын өнөөгийн байдал-2018" Нийслэлийн худалдаа, хоол үйлдвэрлэл, үйлчилгээ эрхлэгчдийн бизнес чуулган боллоо. Чуулганд тус байгууллагын эрүүл ахуйч Л.Түмэнжаргал оролцов.

bazar

IV 4, 2018

0
Дотоод Мэдээ

Smartcity.mn сургалтанд хамрагдалаа

2018 оны 03 дугаар сарын 23 нд НЗДТГазраас Нутгийн захиргааны байгууллага, албан тушаалтанд хандаж иргэдээс ирүүлсэн өргөдөл, гомдлыг нэгдсэн систем /Smartcity.mn/ -ээр хүлээн авч, шуурхай шийдвэрлэх үйл ажиллагааг үр дүнтэй зохион байгуулах, хуулийн хэрэгжилтийг нийслэлийн хэмжээнд ханган ажиллах, нийслэлээс гаргах бодлого шийдвэрт иргэдийн санал бодлыг тусгах, шуурхай ил тод байдлыг бүрдүүлж ажлыг эрчимжүүлэх, албан хаагчдын мэдлэг, чадварыг дээшлүүлэх зорилгоор зохион байгуулагдсан сургалтад менежер Н.Отгонцэцэг, архив, бичиг хэргийн ажилтан Б.Базар тус тус хамрагдлаа.

bazar

IV 3, 2018

0