• "Монгол чанар" цом, өргөмжлөлөөр шагнуулав.
    20
    IX

    "Монгол чанар" цом, өргөмжлөлөөр шагнуулав.

    Үндэсний Бизнес Хөгжлийн Нэгдэл ТББ-аас уламжлал болгон зохион байгуулагддаг "Монгол чанар" төслийн хүрээнд өөрийн байгууллагын үйл ажиллагаанд чанар стандартыг тогтмол анхаарч, Монгол улсынхаа хөгжилд үнэтэй хувь нэмэр оруулсныг нь үнэлэн байгууллага хамт олныг "Монгол чанар" цом, өргөмжлөлөөр, байгууллагын захирал Б.Мөнхнасанг  "Хүндэт менежер" тэмдэгээр тус тус шагнав.

    Namjilmaa
  • Багачууд Хүнс ОНӨААТҮГ-ын нэрэмжит гар бөмбөгийн тэмцээн амжилттай боллоо.
    13
    XI

    Багачууд Хүнс ОНӨААТҮГ-ын нэрэмжит гар бөмбөгийн тэмцээн амжилттай боллоо.

    Жил бүр уламжлал болгон зохион байгуулагддаг Багачууд Хүнс ОНӨААТҮГ-ын нэрэмжит гар бөмбөгийн тэмцээн 2017 оны 11 дүгээр сарын 11-12-ны өдрүүдэд Ус сувгийн удирдах газрын зааланд амжилттай болж өндөрлөлөө. 

    Тус тэмцээнд Багачууд Хүнс ОНӨААТҮГ болон Сүхбаатар, Чингэлтэй дүүргийн төрийн өмчит цэцэрлэгүүдийн нийт 40 баг оролцсоноос Чингэлтэй дүүргийн 4 дүгээр цэцэрлэг бусдыгаа тэргүүлж "Шилжин явах цом", алтан медаль, өргөмжлөл, мөнгөн шагналын эзэн боллоо. Хоёрдугаар байрыг Чингэлтэй дүүргийн 83 дугаар цэцэрлэг эзлэж мөнгөн медаль, өргөмжлөл, мөнгөн шагналаар, гуравдугаар байрыг мөн тус дүүргийн 155 дугаар цэцэрлэг эзлэж, хүрэл медаль, өргөмжлөл, мөнгөн шагналаар шагнууллаа. Тусгай байрыг мөн тус дүүргийн 103 дугаар цэцэрлэг эзлэж өргөмжлөл мөнгөн шагналаар шагнууллаа. 

    Тус тэмцээний Шилдэг довтлогчоор 83-р цэцэрлэгийн  Хулан, Шилдэг холбогчоор 4-р цэцэрлэгийн  Цэгээнчимэг нар шалгарлаа.

    Namjilmaa
  • Захирагчийн ажлын албанаас зохион байгуулсан их цэвэрлэгээнд амжилттай оролцлоо.
    13
    X

    Захирагчийн ажлын албанаас зохион байгуулсан их цэвэрлэгээнд амжилттай оролцлоо.

    Нийслэл хот үүсч байгуулагдсаны 378 жилийн ойн өдрийг угтан Улаанбаатар хотын Захирагчийн ажлын албанаас зохион байгуулагдаж буй Нийслэлийн Засаг даргын Тамгын газар, Засаг даргын хэрэгжүүлэгч агентлаг, харьяа газруудыг хамарсан их цэвэрлэгээ өнөөдөр болж байна. 

    Их цэвэрлэгээний ажлын хүрээнд "И март" их дэлгүүрээс Бөхийн өргөө хүртэлх замын зорчих хэсгийн 2 талын явган хүний зам, талбайн ногоон байгууламжийн навч, хог хаягдлыг цэвэрлэх, зам дагуу байрлалтай Аж ахуй нэгж байгууллагуудад шаардлага тавьж цэвэрлэгээнд оролцуулах, гэрэлтүүлгийн шон, хашаа, хайс дээрх зарлал наалтыг хуулж цэвэрлэх ажлыг хийж гүйцэтгэлээ. 

     

    Namjilmaa

Захирлын мэндчилгээ

Танд энэ өдрийн мэнд дэвшүүлье.

            Багачууд Хүнс Орон Нутгийн Өмчит Аж Ахуйн Тооцоот Үйлдвэрийн Газар нь Нийслэлийн Иргэдийн Төлөөлөгчдийн хурлын Тэргүүлэгчдийн 2006 оны 06 дугаар сарын 21-ний өдрийн 154 дүгээр тогтоолоор Сүхбаатар, Чингэлтэй дүүргийн цэцэрлэгийн хүүхдүүдийг эрүүл аюулгүй, чанар, стандартын шаардлага хангасан илчлэг эрүүл хүнсээр хангах зорилготой байгуулагдсан.

Өнөөдрийн байдлаар 11 дэх жилдээ үйл ажиллагаагаа явуулан Сүхбаатар дүүргийн 32 цэцэрлэг, Чингэлтэй дүүргийн 30 цэцэрлэг, нийт 62 цэцэрлэгийн 12000 орчим хүүхдийг эрүүл хүнсээр ханган ажиллаж байна.

Манай байгууллага нь Хүнсний тухай хууль, Эрүүл ахуйн тухай хууль, Хүнсний аюулгүй байдлын тухай хууль, Төрийн болон орон нутгийн өмчийн тухай хууль, Хөдөлмөрийн тухай хууль, Нягтлан бодох бүртгэлийн тухай хууль, Шилэн дансны тухай хууль, Нийтийн албанд болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай зэрэг хууль тогтоомжуудыг мөрдөн ажиллаж, нийт худалдан авалтын 75-аас дээш хувийг үндэсний үйлдвэрлэлийн  бүтээгдэхүүнээс бүрдүүлэн хүүхдийн хүнсэнд хэрэглэх бодлого барин ажиллаж байна.

Манай байгууллага нь нийт 18 ажилтантай бөгөөд хүний нөөцийн зөв оновчтой бодлогыг баримтлан ажиллаж, ажилчдын ажиллах нөхцөл, нийгмийн баталгааг хангах хөтөлбөрийг хэрэгжүүлэн ажиллаж ирсэн.

Цаашид Сүхбаатар, Чингэлтэй дүүргийн цэцэрлэгийн  хүүхдүүдийг эрүүл хоол хүнсээр тасралтгүй ханган, бэлтгэн нийлүүлэгч, захиалагч байгууллагуудтай нягт хамтран ажиллаж, төрийн бодлогыг дэмжиж ажиллана.

Хүндэтгэсэн

Захирал                        Б.Мөнхнасан

Мэдээ мэдээлэл

  • Хүнсний аюулгүй байдлын үндэсний чуулганд оролцов.

    2017 оны 09 дүгээр сарын 12-ны өдөр Төрийн ордны Их танхимд Монгол Улсын Ерөнхийлөгч Х.Баттулгын санаачилгаар зохион байгуулж буй "МОНГОЛ УЛСЫН ХҮНСНИЙ АЮУЛГҮЙ БАЙДЛЫН ҮНДЭСНИЙ ЧУУЛГАН"-д захирал, ерөнхий нягтлан бодогч, эрүүл ахуйч оролцлоо.

    Namjilmaa
  • Сургалт зохион байгууллаа.

    Багачууд Хүнс ОНӨААТҮГ-аас Сүхбаатар, Чингэлтэй дүүргийн төрийн өмчит цэцэрлэгийн няравуудын дунд онлайнаар захиалга хэрхэн өгөх талаар сургалтыг зохион байгуулав. Тус сургалтыг захилгын программ хийсэн "Хэрүга солюшн" ХХК-ийн захирал С.Даваахүү дэлгэрэнгүй практик сургалтаар зааж танилцууллаа.

    Namjilmaa
  • Үнийн санал авах урилга

    Багачууд хүнс ОНӨААТҮГ нь сонгогдсон эрх бүхий тендерт оролцогчдоос  БХ-17/ 02ХА  дугаартай “Тоосгон хашаа барих” ажлын тендерт үнийн санал...

    administrator
  • Цогцолбор барилгын нээлтийн үйл ажиллагаа боллоо.

    2015-2016 оны хугацаанд Нийслэлийн хөрөнгө оруулалтаар  тус байгууллагын контор агуулахын цогцолбор барилгыг барьж 2016 оны 12 дугаар сарын 01-ний өдрийн улсын комиссын 200 тоотоор хүлээн авсан.

    2016 оны 12 дугаар сарын 26-ны өдөр тус барилгын нээлтийг албан ёсоор хийлээ. Нээлтэнд Нийслэлийн өмчийн харилцааны газрын Төлөвлөлт менежментийн хэлтсийн дарга М.Энхболд, мэргэжилтэн н.Амгаланбаяр болон бусад зочид төлөөлөгчид оролцлоо.

    administrator

Pages