•  Нийслэл “RISE-Аcademy” арга хэмжээнд ННЗБ-ын удирдлагууд хамрагдлаа
    4
    IV

    Нийслэл “RISE-Аcademy” арга хэмжээнд ННЗБ-ын удирдлагууд хамрагдлаа

     

     

    Нийслэлийн Засаг даргын Тамгын газар, Нийслэлийн Хүний нөөцийн хөгжлийн төв, Удирдлагын академи, JCI Монгол байгууллага хамтран “Алсын хараа 2050” Монгол Улсын урт хугацааны хөгжлийн бодлого, “Шинэ сэргэлтийн бодлого”-ыг олон нийтэд сурталчлах ажлын хүрээнд Нийслэл “RISE-Аcademy” арга хэмжээг 2022 оны 03 дугаар сарын 26-27-ны өдрүүдэд амжилттай зохион байгууллаа. Нийслэл “RISE-Аcademy” сургалтад Нийслэлийн Засаг даргын Тамгын газар, харьяа нутгийн захиргааны байгууллагын удирдах албан тушаалтнууд хамрагдсан ба сургалтыг багийн ажиллагаанд тулгуурласан олон улсын сургалтын шинэлэг арга зүйг ашиглан дизайн сэтгэлгээний арга, систем сэтгэлгээ, зан үйлийн нөлөө, анализ синтез аргачлалаар явуулсан нь онцлогтой, мөн үр дүнтэй байлаа. Удирдлагын академи, НҮБ-ийн Хөгжлийн хөтөлбөрийн зөвлөхүүд, Нийслэлийн Хүний нөөцийн хөгжлийн төв, JCI Монгол академийн багш нар сургалтыг удирдан явуулж, сургалтад хамрагдсан нийслэлийн харьяа нутгийн захиргааны байгууллагын 100 гаруй удирдах албан тушаалтан батламж гардан авлаа.  Нийслэлийн Засаг дарга бөгөөд Улаанбаатар хотын Захирагч Д.Сумъяабазар, Нийслэлийн Засаг даргын Төр, хувийн хэвшлийн түншлэл, төсөл, хөтөлбөр хариуцсан зөвлөх А.Мөнхболд нар оролцон нийслэлийн нутгийн захиргааны байгууллагуудын удирдлагуудын сонирхсон асуултад хариулт өглөө. Мөн арга хэмжээний хаалтын ажиллагаанд Монгол улсын Ерөнхий сайд Л.Оюун-Эрдэнэ хүрэлцэн ирж, Удирдлагын академийн захирал Д.Сүрэнчимэгийн удирдан явуулсан хэлэлцүүлэгт оролцож “Алсын хараа 2050” Монгол Улсын урт хугацааны хөгжлийн бодлого, “Шинэ сэргэлтийн бодлого”, Засгийн газраас хийж хэрэгжүүлж байгаа арга хэмжээний талаар мэдээлэл танилцууллаа.

    tserenhand
  •  Эрүүл мэндийн шинжилгээнд хамрагдлаа.
    20
    VIII

    Эрүүл мэндийн шинжилгээнд хамрагдлаа.

                  Тус байгууллагын ажилтан, албан хаагчид 2019 оны 08 дугаар сарын 20-ны өдөр Чингэлтэй Дүүргийн Эрүүл Мэндийн Нэгдсэн Төвд эрүүл мэндийн урьдчилсан сэргийлэх үзлэг, шинжилгээнд хамрагдлаа.

    gereltsetseg
  •  “UB ERP” ДОТООД УДИРДЛАГЫН СИСТЕМИЙН II ШАТНЫ СУРГАЛТ БОЛЛОО
    24
    XII

    “UB ERP” ДОТООД УДИРДЛАГЫН СИСТЕМИЙН II ШАТНЫ СУРГАЛТ БОЛЛОО

                 Нийслэлийн Засаг даргын 2016-2020 оны үйл ажиллагааны хөтөлбөрийн 5.2.4, 5.2.6, Нийслэлийн эдийн засаг, нийгмийг...

    nyamsuren

Захирлын мэндчилгээ

МЭНДЧИЛГЭЭ

ЭРХЭМ ТАНЫГ БАГАЧУУД ХҮНС ОНӨААТҮГ-ЫН ЦАХИМ ХУУДСАНД ЗОЧИЛЖ БАЙГААД ТАЛАРХАЛ ИЛЭРХИЙЛЬЕ.

Танд энэ өдрийн мэнд дэвшүүлье.

          Багачууд Хүнс Орон Нутгийн Өмчит Аж Ахуйн Тооцоот Үйлдвэрийн Газар нь Нийслэлийн Иргэдийн Төлөөлөгчдийн хурлын Тэргүүлэгчдийн 2006 оны 06 дугаар сарын 21-ний өдрийн 154 дүгээр тогтоолоор Сүхбаатар, Чингэлтэй дүүргийн цэцэрлэгийн хүүхдүүдийг эрүүл аюулгүй, чанар, стандартын шаардлага хангасан илчлэг, эрүүл хүнсээр хангах зорилготой байгуулагдсан Нийслэлийн харьяа байгууллага юм

          2006 оноос өнөөдрийг хүртэл Сүхбаатар дүүргийн 33 цэцэрлэг, Чингэлтэй дүүргийн 32 цэцэрлэг, нийт 65 цэцэрлэгийн 13000 гаруй хүүхдийг эрүүл хүнсээр тасралтгүй хангаж ирсэн.

          Манай байгууллага нь Хүнсний тухай хууль, Эрүүл ахуйн тухай хууль, Хүнсний аюулгүй байдлын тухай хууль, Төрийн болон орон нутгийн өмчийн тухай хууль, Хөдөлмөрийн тухай хууль, Нягтлан бодох бүртгэлийн тухай хууль, Шилэн дансны тухай хууль, Нийтийн албанд болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай зэрэг хууль тогтоомжуудыг мөрдөн ажиллаж, жил бүр Нийслэлийн Засаг даргатай  "Контракт гэрээ" байгуулан "Гүйцэтгэлийн төлөвлөгөө"-г батлуулж, нийт худалдан авалтын 75-аас дээш хувийг үндэсний үйлдвэрлэлийн бүтээгдэхүүнээс бүрдүүлэн хүүхдийн хүнсэнд хэрэглэх бодлого баримтлан ажиллаж байна.

            Та бүхэн манай цахим хуудаснаас байгууллагын үйлчилгээний талаарх цаг үеийн мэдээ, мэдээллийг авч, санал бодлоо чөлөөтэй илэрхийлэх боломжтой болохыг тэмдэглэж байна.

          Байгууллагын хүний нөөцийн зөв оновчтой бодлогыг баримтлан ажиллаж, ажилчдын ажиллах нөхцөл, нийгмийн баталгааг хангах хөтөлбөр, ажилтан, албан хаагчийн сургалтын хөтөлбөрүүдийг хэрэгжүүлэн ажилладаг.

          Сүхбаатар, Чингэлтэй дүүргийн цэцэрлэгийн  хүүхдүүдийн өдөр тутмын хоол хүнсийг аюулгүй, найдвартай түргэн шуурхай хүргэж, үйлчилгээний чанарыг дээшлүүлэхэд  хамтран ажиллаж бидний ажлыг дэмжин ажиллана гэдэгт итгэлтэй байна.

ХҮНДЭТГЭСЭН

            ЗАХИРАЛ                        Б.МӨНХНАСАН

Мэдээ мэдээлэл

  • Байгууллагын ажилчдад ээлжит сургалтаа орлоо.

    Манай байгууллагын нийт ажилчдын дунд "Харилцаа, хандлага" сэдвээр  ээлжит чөлөөлт сургалтыг Менежер, хуульч, хүний нөөц орлоо. Уг сургалт өдөр тутмын олон асуудлыг шийдвэрлэхэд чухал ач холбогдолтой, сонирхолтой сэдвээр, бэлтгэсэн байв. Сургалтанд нийт ажилчид оролцож, харилцаа хандлагын талаарх олон хэрэгжүүлж болохуйц санааг олж мэдлээ.

    tserenhand
  • Баянгол дүүргийн 12 дугаар хороонд ажиллав.

    Нийслэлийн Онцгой комиссын даргын 2021 оны 12 дугаар сарын 10-ны өдрийн 15 тоот захирамжаар манай байгууллага Баянгол дүүргийн 12 дугаар хороонд дархлаа сэргээх нэмэлт тунд иргэдийг хамруулах ажлыг зохион байгуулахаар болж,  төлөвлөгөөгөө гарган, уг хороонд ажиллалаа. Цаашид иргэдийн идэвхийг эрчимжүүлэхэд чиглэсэн зохион байгуулалтын арга хэмжээг авч ажиллах болно. Та бүхэн дархлаа сэргээх нэмэлт тундаа идэвхтэй хамрагдана уу. 

    tserenhand
  • Дархлаажуулалтын 3 дугаар тундаа идэвхтэй хамрагдахыг уриалж байна.

    Манай байгууллагын ажилтан, албан хаагчид вакцины 3 дугаар тундаа 100 хувь хамрагдлаа. Иргэд та бүхнийг КОВИД-19-ийн мутацид орсон олон хувилбараас сэргийлэхийн тулд дархлаа сэргээх нэмэлт тундаа хамрагдахыг Эрүүл Мэндийн яамнаас уриалж байна. I, II тунд хамрагдаад 3 сар болсон, ковид тусаад эдгэснээс хойш 21 хоног өнгөрсөн бол та дархлаа сэргээх III тундаа заавал хамрагдаарай.

    tserenhand
  • "Эрүүл хүнс-Хөдөө аж ахуйн зохистой дадал-Зах зээлийн боломж" хэлэлцүүлэгт оролцов.

    Хүнс, хөдөө аж ахуй, хөнгөн үйлдвэрийн яамнаас зохион байгуулсан "Эрүүл хүнс, Хөдөө аж ахуйн зохистой дадал-Зах зээлийн боломж" хэлэлцүүлэг хүнсний ногоо үйлдвэрчлэгч аж ахуй нэгж байгууллагууд, мэргэжлийн холбоо бусад холбогдох байгууллагуудын дунд амжилттай зохион байгуулагдлаа. 

    tserenhand

Pages