• Үндэсний цэцэрлэгт хүрээлэнд мод тарилаа.
    16
    X

    Үндэсний цэцэрлэгт хүрээлэнд мод тарилаа.

    Ойн тухай хууль, Монгол Улсын Ерөнхийлөгчийн "Мод тарих үндэсний өдөр зарлах тухай" 2010 оны 63 дугаар зарлигийг хэрэгжүүлэх зорилгоор 2017 оны намрын бүх нийтээр мод тарих өдрийг 10 дугаар сарын 14-ны өдөр тэмдэглэх болсонтой холбогдуулан Үндэсний цэцэрлэгт хүрээлэнд хамт олноороо мод тарилаа. 

     

    Namjilmaa
  • Захирагчийн ажлын албанаас зохион байгуулсан их цэвэрлэгээнд амжилттай оролцлоо.
    13
    X

    Захирагчийн ажлын албанаас зохион байгуулсан их цэвэрлэгээнд амжилттай оролцлоо.

    Нийслэл хот үүсч байгуулагдсаны 378 жилийн ойн өдрийг угтан Улаанбаатар хотын Захирагчийн ажлын албанаас зохион байгуулагдаж буй Нийслэлийн Засаг даргын Тамгын газар, Засаг даргын хэрэгжүүлэгч агентлаг, харьяа газруудыг хамарсан их цэвэрлэгээ өнөөдөр болж байна. 

    Их цэвэрлэгээний ажлын хүрээнд "И март" их дэлгүүрээс Бөхийн өргөө хүртэлх замын зорчих хэсгийн 2 талын явган хүний зам, талбайн ногоон байгууламжийн навч, хог хаягдлыг цэвэрлэх, зам дагуу байрлалтай Аж ахуй нэгж байгууллагуудад шаардлага тавьж цэвэрлэгээнд оролцуулах, гэрэлтүүлгийн шон, хашаа, хайс дээрх зарлал наалтыг хуулж цэвэрлэх ажлыг хийж гүйцэтгэлээ. 

     

    Namjilmaa
  • Өдөрлөгт оролцов.
    5
    X

    Өдөрлөгт оролцов.

    Чингэлтэй дүүргийн 56 дугаар цэцэрлэгээс жил бүр зохион байгуулдаг "Баян намар-2017" хоолны үзэсгэлэн, амталгаат өдөрлөгт оролцов.

     

    Namjilmaa

Захирлын мэндчилгээ

Танд энэ өдрийн мэнд дэвшүүлье.

            Багачууд Хүнс Орон Нутгийн Өмчит Аж Ахуйн Тооцоот Үйлдвэрийн Газар нь Нийслэлийн Иргэдийн Төлөөлөгчдийн хурлын Тэргүүлэгчдийн 2006 оны 06 дугаар сарын 21-ний өдрийн 154 дүгээр тогтоолоор Сүхбаатар, Чингэлтэй дүүргийн цэцэрлэгийн хүүхдүүдийг эрүүл аюулгүй, чанар, стандартын шаардлага хангасан илчлэг эрүүл хүнсээр хангах зорилготой байгуулагдсан.

Өнөөдрийн байдлаар 11 дэх жилдээ үйл ажиллагаагаа явуулан Сүхбаатар дүүргийн 32 цэцэрлэг, Чингэлтэй дүүргийн 30 цэцэрлэг, нийт 62 цэцэрлэгийн 12000 орчим хүүхдийг эрүүл хүнсээр ханган ажиллаж байна.

Манай байгууллага нь Хүнсний тухай хууль, Эрүүл ахуйн тухай хууль, Хүнсний аюулгүй байдлын тухай хууль, Төрийн болон орон нутгийн өмчийн тухай хууль, Хөдөлмөрийн тухай хууль, Нягтлан бодох бүртгэлийн тухай хууль, Шилэн дансны тухай хууль, Нийтийн албанд болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай зэрэг хууль тогтоомжуудыг мөрдөн ажиллаж, нийт худалдан авалтын 75-аас дээш хувийг үндэсний үйлдвэрлэлийн  бүтээгдэхүүнээс бүрдүүлэн хүүхдийн хүнсэнд хэрэглэх бодлого барин ажиллаж байна.

Манай байгууллага нь нийт 18 ажилтантай бөгөөд хүний нөөцийн зөв оновчтой бодлогыг баримтлан ажиллаж, ажилчдын ажиллах нөхцөл, нийгмийн баталгааг хангах хөтөлбөрийг хэрэгжүүлэн ажиллаж ирсэн.

Цаашид Сүхбаатар, Чингэлтэй дүүргийн цэцэрлэгийн  хүүхдүүдийг эрүүл хоол хүнсээр тасралтгүй ханган, бэлтгэн нийлүүлэгч, захиалагч байгууллагуудтай нягт хамтран ажиллаж, төрийн бодлогыг дэмжиж ажиллана.

Хүндэтгэсэн

Захирал                        Б.Мөнхнасан

Мэдээ мэдээлэл

Pages