• "Алтан намар-2018" өдөрлөг зохион байгуулав.
    17
    IX

    "Алтан намар-2018" өдөрлөг зохион байгуулав.

    2018 оны 09 дүгээр сарын 15-ны өдөр "Алтан намар-2018" өдөрлөгийг төмс хүнсний ногоо нийлүүлдэг  "Их булгийн тохой" ХХК-тай хамтран Сүхбаатар, Чингэлтэй дүүргийн  цэцэрлэгүүдийн эрхлэгч, эрүүл ахуйч эмч, нярав, тогооч нарын  бүрэлдэхүүнтэй  амжилттай зохион байгууллаа.

    Тус өдөрлөгт 200 орчим хүмүүс хамрагдаж  "Их булгийн тохой"ХХК-ийн үйл ажиллагаа, монгол орны эрүүл хөрсөнд ургасан төмс, хүнсний ногоо, нарийн ногооны тариалалт, хадгалалт, хамгаалалттай газар дээр нь үзэж танилцлаа.

    Их булгийн тохой ХХК нь 2007 онд байгуулагдсан цагаас хойш Сонгинохайрхан дүүргийн Их булгийн ам, Хэнтий аймагт нийтдээ 200 га талбайд төмс , хүнсний ногоо, нарийн ногоог тариалан 2000 тн хүнсний ногоо хадгалах стандартад нийцсэн хөргүүртэй зоорьтой, 2960 м2 талбай бүхий 12 хүлэмжтэй,  усалгааны иж бүрэн систем суурилуулсан салбартаа тэргүүлэгчийн нэг юм.

     

    Namjilmaa
  • "Дотор махны зохистой хэрэглээ" сэдэвт сургалтад хамрагдав.
    10
    I

    "Дотор махны зохистой хэрэглээ" сэдэвт сургалтад хамрагдав.

    2019 оны 01 дүгээр сарын 09-ний  өдөр “Дотор махны зохистой хэрэглээ” сэдэвт танилцуулга хэлэлцүүлэгийг Хөдөө аж ахуйн нэмүү өртгийн сүлжээг дэмжих газар, ШУТИС-ийн Үйлдвэрлэл технологийн сургууль, "Little sheep" Hot pot Галериа салбартай хамтран зохион байгууллаа.  “Мал аж ахуйн салбарын өртгийн сүлжээг дэмжих хүрээнд дотор мах, дайвар түүхий эдийг боловсруулан, ашиглах хүрээг нэмэгдүүлэх, зохистой хэрэглэх зарим арга замыг мал төхөөрөх, мах боловвсруулах үйл ажиллагаа эрхлэгчид, хэрэглэгчдэд танилцуулж, мэдээлэл солилцох, хамтын ажиллагаа уялдуулах” талаар сургалт зохион байгуулж тус сургалтад эрүүл ахуйч О.Номин-Эрдэнэ оролцлоо. 

     

    Namjilmaa
  • "Монгол чанар" цом, өргөмжлөлөөр шагнуулав.
    20
    IX

    "Монгол чанар" цом, өргөмжлөлөөр шагнуулав.

    Үндэсний Бизнес Хөгжлийн Нэгдэл ТББ-аас уламжлал болгон зохион байгуулагддаг "Монгол чанар" төслийн хүрээнд өөрийн байгууллагын үйл ажиллагаанд чанар стандартыг тогтмол анхаарч, Монгол улсынхаа хөгжилд үнэтэй хувь нэмэр оруулсныг нь үнэлэн байгууллага хамт олныг "Монгол чанар" цом, өргөмжлөлөөр, байгууллагын захирал Б.Мөнхнасанг  "Хүндэт менежер" тэмдэгээр тус тус шагнав.

    Namjilmaa

Захирлын мэндчилгээ

Танд энэ өдрийн мэнд дэвшүүлье.

            Багачууд Хүнс Орон Нутгийн Өмчит Аж Ахуйн Тооцоот Үйлдвэрийн Газар нь Нийслэлийн Иргэдийн Төлөөлөгчдийн хурлын Тэргүүлэгчдийн 2006 оны 06 дугаар сарын 21-ний өдрийн 154 дүгээр тогтоолоор Сүхбаатар, Чингэлтэй дүүргийн цэцэрлэгийн хүүхдүүдийг эрүүл аюулгүй, чанар, стандартын шаардлага хангасан илчлэг эрүүл хүнсээр хангах зорилготой байгуулагдсан.

Өнөөдрийн байдлаар 11 дэх жилдээ үйл ажиллагаагаа явуулан Сүхбаатар дүүргийн 32 цэцэрлэг, Чингэлтэй дүүргийн 30 цэцэрлэг, нийт 62 цэцэрлэгийн 12000 орчим хүүхдийг эрүүл хүнсээр ханган ажиллаж байна.

Манай байгууллага нь Хүнсний тухай хууль, Эрүүл ахуйн тухай хууль, Хүнсний аюулгүй байдлын тухай хууль, Төрийн болон орон нутгийн өмчийн тухай хууль, Хөдөлмөрийн тухай хууль, Нягтлан бодох бүртгэлийн тухай хууль, Шилэн дансны тухай хууль, Нийтийн албанд болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай зэрэг хууль тогтоомжуудыг мөрдөн ажиллаж, нийт худалдан авалтын 75-аас дээш хувийг үндэсний үйлдвэрлэлийн  бүтээгдэхүүнээс бүрдүүлэн хүүхдийн хүнсэнд хэрэглэх бодлого барин ажиллаж байна.

Манай байгууллага нь нийт 18 ажилтантай бөгөөд хүний нөөцийн зөв оновчтой бодлогыг баримтлан ажиллаж, ажилчдын ажиллах нөхцөл, нийгмийн баталгааг хангах хөтөлбөрийг хэрэгжүүлэн ажиллаж ирсэн.

Цаашид Сүхбаатар, Чингэлтэй дүүргийн цэцэрлэгийн  хүүхдүүдийг эрүүл хоол хүнсээр тасралтгүй ханган, бэлтгэн нийлүүлэгч, захиалагч байгууллагуудтай нягт хамтран ажиллаж, төрийн бодлогыг дэмжиж ажиллана.

Хүндэтгэсэн

Захирал                        Б.Мөнхнасан

Мэдээ мэдээлэл

  • Чингэлтэй дүүргийн Боловсролын газрын ойд оролцлоо.

    Чингэлтэй дүүргийн Боловсролын хэлтэс үүсгэн байгуулагдсаны 10 жилийн ойн баярын үйл ажиллагаанд оролцлоо. Чингэлтэй дүүргийн боловсролын хэлтэс нь төрийн болон төрийн бус өмчийн 25 сургууль, төрийн ба төрийн бус өмчийн 55 цэцэрлэг, хүүхэд харах үйлчилгээний 6 байгууллага, боловсролын үйлчилгээ үзүүлдэг нийт 87 нэгж байгууллагыг захиргааны болон мэргэжил аргазүйн удирдлагаар ханган ажилладаг.

    Namjilmaa
  • Нийслэлийн цахим үйлчилгээний нэгдсэн портал www.eservice.ulaanbaatar.mn нээлтэд оролцов.

    Нийслэлийн нэгдсэн үйлчилгээний  төвийн Дүнжингарав салбарт 2018 оны 12 дугаар сарын 20-ны өдөр Нийслэлийн цахим үйлчилгээний нэгдсэн портал www.eservice.ulaanbaatar.mn нээлтийн үйл...

    Namjilmaa
  • Улаанбаатар хотын цэцэрлэгийн хүүхдийн хоол, шим тэжээл- хоол үйлдвэрлэл, үйлчилгээний менежментийг сайжруулах төслийн семинарт хамрагдлаа.

    Нийслэлийн Боловсролын газар, KOICA , WITH олон улсын байгууллага, ШУТИС-ын  Үйлдвэрлэл технологийн сургуулийн хамтран хэрэгжүүлж байгаа "Улаанбаатар хотын цэцэрлэгийн хүүхдийн хоол, шим тэжээл- хоол үйлдвэрлэл, үйлчилгээний менежментийг сайжруулах төсөл 2018-2020" -ийн хүрээнд 2 дахь удаагаа зохион байгуулагдаж байгаа  "Бага насны хүүхдийн хоол, шим тэжээлийн талаархи ойлголтыг нэмэгдүүлэх, хүүхдэд шим тэжээлийн боловсрол олгох"  сэдэвт удирдах ажилтнуудын семинарт тус байгууллагын захриал Б.Мөнхнасан амжилттай хамрагдлаа. Уг семинарт Улаанбаатар хотын сургуулийн өмнөх боловрсолын хүнсний хангамжийг хариуцан ажилладаг  ОНӨААТҮГ-уудын ажилтнуудыг хамруулж мэргэжил арга зүйн зөвлөгөө өгч, туршлага солилцож хамтран ажиллалаа.

    Namjilmaa
  • Нийслэлийн Архивын газрын 60 жилийн ойн арга хэмжээнд оролцлоо.

    Монгол Улсад архивын байгууллага үүсч хөгжсөний 91, нийслэлд архивын байгууллага үүсч хөгжсөний 60 жилийн ойн баяр өнөөдөр тохиож байна. Ойн баярын хурал, хүндэтгэлийн тоглолтыг Монголын хүүхдийн ордонд зохион байгууллаа. Хүндэтгэлийн тоглолтод Улаанбаатар чуулгын уран бүтээлчид оролцлоо.

    Namjilmaa

Pages