"Мод тарих үндэсний өдөр"-ийг 2018 оны 10 дугаар сарын 13-ны өдөр зохион байгуулж  Үндэсний цэцэрлэгт хүрээлэнд байгууллагаараа мод тарилаа. Мөн өмнө тарьсан моднууддаа усалгаа, арчилгаа хийн хог хаягдлыг цэвэрлэлээ. 

Хүнс Хөдөө Аж Ахуй Хөнгөн Үйлдвэрийн яам, Нийслэлийн Засаг даргын Тамгын газраас жил бүр зохион байгуулагддаг “Намрын ногоон өдрүүд - 2018” үзэсгэлэн худалдаа 2018 оны 09 дүгээр сарын 18-ны өдрөөс 24-ний өдрүүдэд  “Эрүүл хүнс – Эрүүл Монгол хүн” уриан доор Мишээл экспо төвд зохион байгуулагдаж өндөрлөлөө. Тус арга хэмжээнд нийслэл, 21 аймгаас шилдэг бүтээгдэхүүн үйлдвэрлэгчид, тариаланчид, ногоочид оролцож байгаа юм. Өдөрлөгийн үеэр талх, гурилан бүтээгдэхүүний дэвшилтэт технологийн талаарх танилцуулга “Баяжуулсан хүнсний тухай хууль”-ийн сурталчилгаа, хэлэлцүүлэг, "жимс, жимсгэнэ" хөтөлбөрийн хүрээнд “хүнсний ногоо, жимс бидний амьдралд” сэдэвчилсэн урлагийн арга хэмжээ, "хүнсний ногоо" хөтөлбөрийн хүрээнд шинэ сортын ногоогоор хийх хоолны үзүүлбэр, амталгаат худалдаа болох юм.

 2018 оны 09 дүгээр сарын 23-ны өдөр "Хүүхдэд зориулав" өдөрлөгт Нийслэлийн төрийн өмчит  цэцэрлэгүүдэд хүнсний бараа бүтээгдэхүүн нийлүүлдэг Багачууд Хүнс, Асгат, Өсвөр үе хүнс, Хүнс хангамж төв ОНӨААТҮГ-ууд үйл ажиллагаагаа сурталчлан, үзэсгэлэнд оролцогч хүүхэд багачуудын дунд сугалаа сугалуулан гарын бэлэг гардууллаа. 

Жил бүр Багачууд хүнс ОНӨААТҮГазраас зохион байгуулагддаг  Чингэлтэй,Сүхбаатар дүүргийн цэцэрлэгүүдийн тогооч нарын "Ур чадварын уралдаан"-ыг 2018 оны 09 дүгээр сарын 22-ны өдөр  Чингэлтэй, Сүхбаатар дүүргийн Боловсролын хэлтэстэй хамтран  амжилттай зохион байгууллаа. Тус уралдаанд нийт 52 цэцэрлэгийн 55 тогооч оролцож ур чадвараараа өрсөлдлөө. Уралдаанд амжилттай оролцож СБД-ийн 135 дугаар  цэцэрлэгийн тогооч Б.Мэнд-Амар нэгдүгээр байрт, СБД-ийн 143 дугаар цэцэрлэгийн тогооч М.Солонго хоёрдугаар байр, ЧД-ийн 103 дугаар цэцэрлэгийн тогооч Ш.Оюунтунгалаг гуравдугаар байрт тус тус  шалгарлаа.

Дэлхийн авто машингүй өдрийг тэмдэглэн өнгөрүүлэхтэй холбогдуулан Нийслэлийн Засаг даргын 2018 оны А/861 дүгээр захирамжийн хүрээнд 2018 оны 09 дүгээр сарын 22-ны өдөр "Үзэсгэлэнт Улаанбатарын цом" өртөөт марафоны  залуучуудын ангилалд тус байгууллагын ажилтан Л.Түмэнжаргал, Б.Гэрэлцэцэг И.Балжиннням, У.Намхайнямбуу нар амжилттай оролцлоо.

Эрүүл ахуйч ажилд авна. 

Ажлын байранд тавигдах шаардлага:

1. Эрүүл ахуйч мэргэжлээр их, дээд сургууль төгссөн

2. Эрүүл ахуйчаар 3-аас дээш жил ажилласан дадлага, туршлагатай...

2018 оны 09 дүгээр сарын 15-ны өдөр "Алтан намар-2018" өдөрлөгийг төмс хүнсний ногоо нийлүүлдэг  "Их булгийн тохой" ХХК-тай хамтран Сүхбаатар, Чингэлтэй дүүргийн  цэцэрлэгүүдийн эрхлэгч, эрүүл ахуйч эмч, нярав, тогооч нарын  бүрэлдэхүүнтэй  амжилттай зохион байгууллаа.

Тус өдөрлөгт 200 орчим хүмүүс хамрагдаж  "Их булгийн тохой"ХХК-ийн үйл ажиллагаа, монгол орны эрүүл хөрсөнд ургасан төмс, хүнсний ногоо, нарийн ногооны тариалалт, хадгалалт, хамгаалалттай газар дээр нь үзэж танилцлаа.

Их булгийн тохой ХХК нь 2007 онд байгуулагдсан цагаас хойш Сонгинохайрхан дүүргийн Их булгийн ам, Хэнтий аймагт нийтдээ 200 га талбайд төмс , хүнсний ногоо, нарийн ногоог тариалан 2000 тн хүнсний ногоо хадгалах стандартад нийцсэн хөргүүртэй зоорьтой, 2960 м2 талбай бүхий 12 хүлэмжтэй,  усалгааны иж бүрэн систем суурилуулсан салбартаа тэргүүлэгчийн нэг юм.